ABŞ və Ukrayna prezidentləri Donald Tramp ilə Volodimir Zelenski arasında görüş Amerika liderinin şəxsi iqamətgahı olan Mar-a-Laqoda baş tuta bilər.
"Operativ Məlumat Mərkəzi-OMM" xəbər verir ki, bu barədə "CBS News" Ağ Evdəki mənbəyə istinadən məlumat yayıb.
“Tramp administrasiyasının rəsmisi bildirib ki, Zelenskinin ABŞ-ə səfəri ilə bağlı heç bir razılıq əldə olunmayıb, lakin yaxın günlərdə görüş baş tutsa, o, Mar-a-Laqoda baş tuta bilər”, - nəşr yazıb.
Bundan əvvəl bildirilmişdi ki, Zelenski ilə Tramp arasında Ukrayna əraziləri və NATO-ya üzvlüyü ilə bağlı sülh planı məsələlərini müzakirə etmək üçün görüş planlaşdırılıb.
