Qırğızıstanın Dövlət Milli Təhlükəsizlik Komitəsinin (MTK) əməkdaşları respublikanın Fövqəladə Hallar Nazirliyinin keçmiş rəhbəri və Cəlal-Abad vilayətinin keçmiş qubernatoru Sultan Uramanayevi korrupsiyada şübhəli bilərək saxlayıblar.
"Operativ Məlumat Mərkəzi-OMM" xəbər verir ki, bu barədə Milli Təhlükəsizlik Dövlət Komitəsinin mətbuat mərkəzi məlumat yayıb.
"1995-ci ilin dekabrından 1996-cı ilin aprel ayına kimi “Qırğızıstantransavto” dövlət səhmdar cəmiyyətinin idarə heyətinin sədri vəzifəsində çalışaraq, müəyyən vəzifəli şəxslərin köməyi ilə “Tokçuluk” ASC-nin səhmlərini dövlət vəsaiti hesabına əldə etmişdir. Və sonradan qeyri-qanuni olaraq Balıqçı şəhərindəki (İsık-Kul vilayəti) keçmiş ət kombinatının daşınmaz əmlakını şəxsi mülkiyyətə keçirib”, - deyə məlumatda deyilir.
