Afət Ziyadqızı
Rusiyada ilk dəfə olaraq “Apple” şirkətinə qarşı qadağan olunmuş məlumatların silinməməsinə görə inzibati protokol tərtib edilib.
"Operativ Məlumat Mərkəzi-OMM" xəbər verir ki, Taqanskaya Rayon Məhkəməsi “Apple”-a qarşı İnzibati Xətalar Məcəlləsinin 13.41 maddəsinin 2-ci hissəsinə uyğun olaraq "inzibati xətanın törədilməsinə dair sayt sahibi tərəfindən məlumatın və ya veb səhifənin silinməməsi, belə məlumatların silinməsi öhdəliyi Rusiya Federasiyasının qanunvericiliyi ilə nəzərdə tutulduqda"-maddəsi ilə protokol tərtib olunub.
Protokolun konkret nəyə görə tərtib olunduğu bilinmir. Lakin “Apple”-ı 800 min rubldan 4 milyon rubla qədər cərimə gözləyir.
