Afət Ziyadqızı
Rusiya Müdafiə Nazirliyi Moskva yaxınlığındakı Kaluqa vilayətində Mi-28 tipli hərbi helikopterin qəzaya uğradığını və ekipajdan sağ qalanların olmadığını bildirib.
"Operativ Məlumat Mərkəzi-OMM" xəbər verir ki, nazirlikdən verilən məlumata görə, Mi-28 model hərbi helikopter Kaluqa vilayətində planlaşdırılmış uçuş zamanı qəzaya uğrayıb.
Açıqlamada, qəzaya uğrayan helikopterin ekipajının həyatını itirdiyi və helikopterin boş bir yerə düşdüyü bildirilib.
İlkin məlumata görə, helikopter texniki nasazlıq səbəbindən qəzaya uğrayıb və Rusiya Hava-Kosmik Qüvvələri Komandanlığının komissiyası hadisə yerində araşdırma aparıb.
