Slovakiya hökuməti mərkəzi Slovakiyada ayı hücumunda bir nəfərin öldürülməsindən sonra qonur ayıların təxminən dörddə birini güllələmək planını qəbul edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Baş nazir Robert Fikonun rəhbərlik etdiyi hökumət kabinet iclasından sonra verdiyi açıqlamada ölkədə təxmin edilən 1300 qonur ayının 350-nin öldürüləcəyini açıqlayıb.
Qərarın ayı hücumlarının artması səbəbindən ictimaiyyətin təhlükəsizliyi üçün verildiyi bildirilib.
Baş nazir, insanların meşəyə girməkdən qorxduğu bir ölkədə yaşaya bilmərik deyib.
