Qəzzada ölənlərin sayı 31 341-ə yüksəlib

İsrail ordusunun 7 oktyabr 2023-cü ildən bəri həyata keçirdiyi hücumlarda həyatını itirən fələstinlilərin sayı 24 saatda 69 nəfər artaraq 31 min 341-ə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada, İsrail qüvvələrinin son hücumlarında daha 110 fələstinlini yaraladığı və Qəzza zolağında yaralananların ümumi sayının 73 min 134-ə çatdığı bildirilib.

Səhiyyə Nazirliyi dağıntılar altında və yol kənarında ölənlərin olduğunu, lakin İsrail qüvvələrinin maneəsi səbəbindən tibb qrupları və mülki müdafiə əməkdaşlarının cəsədlərə çata bilməyəcəyini qeyd edib.