Qəzzada 10 mindən çox insan dağıntılar altında itkin düşüb

2023-cü il oktyabrın 7-dən İsrailin Qəzza zolağına etdiyi hücumlarda ən azı 10 mindən çox insanın dağıntılar altında itkin düşdüyü bildirilir.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, bu şəxslərin Səhiyyə Nazirliyinin açıqladığı ümumi ölənlərin sayına daxil edilmədiyi qeyd edilib. Açıqlamada canlı qüvvə və texnika çatışmazlığı səbəbindən axtarış-xilasetmə işlərinin 2-3 il çəkə biləcəyi bildirilib.

Dağıntılar altında minlərlə cəsədin yığılması səbəbindən epidemik xəstəliklərin yayılacağı xəbərdarlığı edilən açıqlamada yay aylarında havaların temperaturu yüksəldikcə cəsədlərin parçalanma prosesinin sürətlənəcəyinə diqqət çəkilib.