"Neftçi"nin baş icraçı direktoru Fərrux Mahmudov yoldaşlıq turniri üçün Rusiyaya gedə biləcəklərini açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, "ağ-qara"ların nümayəndəsi yoldaşlıq oyunları üçün Rusiyaya ikinci dəfə səfər edə biləcəklərini bildirib.
“Beynəlxalq təcrübə və yoldaşlıq oyunları hər bir komanda üçün son dərəcə vacibdir. Bu baş verə bilər. Turnir üçün Rusiyaya ikinci səfərə gəlincə, bizə təcrübə lazımdır”.
Qeyd edək ki, ötən yay "Neftçi" "Zenit", "Fənərbaxça" və "Srvena Zvezda" ilə birlikdə Sankt-Peterburqda keçirilən turnirdə iştirak edib. Komanda üç məğlubiyyətlə son pillədə qərarlaşıb.
