Rusiya Federal Təhlükəsizlik Xidməti (FSB) paytaxt Moskvada sinaqoq və metro stansiyasında törədiləcək terror aktının qarşısının alındığını açıqlayıb.
"Operativ Məlumat Mərkəzi-OMM" xəbər verir ki, bununla bağlı Rusiya KİV məlumat yayıb.
Bildirilib ki, Rusiya ərazisində fəaliyyəti qadağan edilmiş beynəlxalq terror təşkilatının üzvü olan Orta Asiyaəsilli Rusiya vətəndaşının terror fəaliyyətinin qarşısı alınıb.
"Terrorçu hücumlardan sonra Əfqanıstana getməyi planlaşdırırdı. Həmin şəxs Moskva vilayətində saxlanılarkən təhlükəsizlik qüvvələrinə müqavimət göstərib və zərərsizləşdirilib", - açıqlamada qeyd olunub.
