Milli Assambleyanın sədri: “CAR Azərbaycanla turizm sahəsində əməkdaşlığı inkişaf etdirmək istəyir”

“Cənubi Afrika Respublikası Azərbaycanla turizm sektorunda əməkdaşlığı inkişaf etdirmək istəyir”.

"Operativ Məlumat Mərkəzi-OMM" xəbər verir ki, bunu jurnalistlərə Cənubi Afrika Respublikasının (CAR) Milli Assambleyasının sədri Nosivive Mapisa-Nqakula (Nosiviwe Mapisa-Nqakula) deyib.

O, ölkələrimiz arasında çox yaxşı münasibətlərin qurulduğunu qeyd edib.

"Bu ilin əvvəlində Azərbaycan parlamentinin spikeri qonağımız oldu. CAR-da Azərbaycanın səfirliyi fəaliyyət göstərir, bu isə iki ölkə arasında ticarətin inkişafına töhfə verir", - o bildirib və Azərbaycanın çox təhlükəsiz ölkə olduğunu əlavə edib.

"Azərbaycanla çox yaxşı münasibətlərimiz olduğu üçün və QH-nin Parlament Assambleyasının üzvləri kimi buradayıq", - o deyib.