Macarıstanda keçiriləcək ABŞ-Rusiya sammitinə hazırlıqlar davam edir və onun baş tutması üçün lazım olan hər şey edilir.
"Operativ Məlumat Mərkəzi-OMM" xəbər verir ki, bu barədə Macarıstanın Baş naziri Viktor Orban "Kossuth" radiosunda məlumat verib.
Onun sözlərinə görə, Macarıstan Ukraynada sülhün bərqərar olmasına dəyərli töhfə verir, çünki Avropa İttifaqında Rusiya Federasiyası ilə rabitə kanallarını açıq saxlayan və bu ölkə ilə daim əlaqə saxlayan yeganə ölkədir.
Baş nazir həmçinin bildirib ki, keçmişdə həmişə yaxşı nəticə verməsə də, Rusiya ilə qarşılıqlı faydalı əlaqələr qurmaq üçün çox səy göstərib. Orban əlavə edib ki, o, hələ də ABŞ Prezidenti Donald Trampa Ukrayna münaqişəsinin həllinə ümid bəsləyir.
Siyasətçi xatırladıb ki, Amerika lideri müharibəni mənasız hesab edir və onun bitməsini istəyir.
