“Lufthansa” aviaşirkətinə məxsus Münhen-Tokio reysini həyata keçirən hava gəmisinin kapitanı Heydər Əliyev Beynəlxalq Aeroportuna təcili eniş sorğusu göndərib.
Heydər Əliyev Beynəlxalq Aeroportunun mətbuat xidmətindən "Operativ Məlumat Mərkəzi-OMM"-ə bildirilib ki, buna təyyarədə olan sərnişinin səhhətinin qəfil pisləşməsi səbəb olub.
Airbus A350 tipli hava gəmisi yerli vaxtla saat 19:29-da Bakı hava limanına enib.
Sərnişinə tibbi yardım göstərilib və onun Bakıdakı klinikalardan birinə yerləşdirilməsinə qərar verilib.
Təyyarə saat 21:02-də Bakıdan Tokioya yola düşüb.
