"Liverpul" "Bornmut" və Macarıstan millisinin müdafiəçisi Miloş Kerkezi 40 milyon funt-sterlinqə (təxminən 47,6 milyon avro) transfer etməyə yaxındır.
"Operativ Məlumat Mərkəzi-OMM" xarici KİV-ə istinadən xəbər verir ki, futbolçu ilə şəxsi şərtlər artıq razılaşdırılıb.
Kerkez 2023-cü ilin iyulundan "Bornmut"da çıxış edir.
Onun müqaviləsi 2028-ci ilin iyun ayına qədərdir.
Ötən mövsüm 21 yaşlı sol cinah müdafiəçisi Premyer Liqada 38 oyun keçirib.
"Transfermarkt" futbolçunu 45 milyon avro qiymətləndirir.
