Ukrayna tərəfi ABŞ-a sülh sazişi çərçivəsində təhlükəsizlik zəmanəti müqabilində itirilmiş ərazilər üzərində iddialardan imtinanı nəzərdə tutan sülh yolu ilə həll təkliflərini çatdırıb.
"Operativ Məlumat Mərkəzi-OMM" xəbər verir ki, bu barədə "Daily Telegraph" qəzeti məlumat yayıb.
Rəsmi Ukraynanın ABŞ-a göndərdiyi planın 5 bənddən ibarət olduğunu, bunlardan birincisinin xüsusi hərbi əməliyyatların başlamasından sonra Krımın və Rusiyaya birləşdirilən bölgələrin beynəlxalq səviyyədə tanınmasının rədd edilməsi olduğunu bildirib.
Məqalədə həmçinin qeyd edilir ki, Kiyev rəsmiləri “Ukraynanın əraziləri Rusiyaya verməsini tələb edən istənilən potensial sülh sazişinin qiyməti kimi aydın “təhlükəsizlik zəmanətləri”nin vacibliyini vurğulayırlar”.
Həmçinin, Kiyev silahlı qüvvələrinin və ya müdafiə sənayesinin sayı ilə bağlı istənilən məhdudiyyətin əleyhinədir. Bundan əlavə, Amerika tərəfinə verilən sənəddə təkcə Rusiyanın qonşularına qarşı iddia edilən təhdidlər deyil, həm də Çinin Tayvanı ələ keçirməsi ilə bağlı xəbərdarlıqlar var.
