İsrail qüvvələri təravih namazı zamanı işğal altındakı İordan çayının qərb sahilinin şimalındakı Nablus şəhərinin şərqindəki məscidə basqın ediblər.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, onlar namaz qılanlara hücum edərək məscidin içini dağıdıblar.
Qeyd olunub ki, israillilər minbəri sındırıb, xalçaların üzərinə yağ və meyvə şirəsi töküblər, içərisindəki bütün cihazları və işıqlandırmaları dağıdıblar.
