İranın Sistan və Bəlucistan əyalətinin yaxınlığında, Kerman əyalətinin Zaxkaluta rayonunda 5,4 maqnitudalı zəlzələ olub.
"Operativ Məlumat Mərkəzi-OMM" İSNA-ya istinadən xəbər verir ki, məlumatı Tehran Universiteti Geofizika İnstitutu Milli Seysmoloji Mərkəzi yayıb.
Bildirilib ki, zəlzələnin ocağı 28 km dərinlikdə yerləşib.
Vurğulanıb ki, yeraltı təkanların mərkəzi Zaxkalutdan (Kerman) 47 km, Həzrət Əbülfəzl məscidindən (Sistan və Bəlucistan) 64 km və Qolmurtidən (Sistan və Bəlucistan) 70 km məsafədə yerləşib.
