Afət Ziyadqızı
İran parlamentinin Milli Təhlükəsizlik və Xarici Siyasət Komitəsinin sədri İbrahim Əzizi ABŞ-ın təhdidlərinə cavab olaraq, İran İslam Respublikasının ərazisinə hücum edən hər kəsin ayaqlarını kəsəcəklərini bildirib.
"Operativ Məlumat Mərkəzi-OMM" xəbər verir ki, o, bu barədə İRNA-ya müsahibəsində deyib.
"Hər hansı bir təcavüzkar İslami İranın müqəddəs torpaqlarına ayaq basarsa, biz onun ayağını kəsəcəyik. İslam İnqilabının təlimlərinə görə, biz heç bir müharibənin təşəbbüskarı olmamışıq, lakin təcavüzkarlarla qəti və sərt şəkildə üzləşməyi öyrənmişik",- deyə o qeyd edib.
İranlı deputat deyib: "İsrail və ABŞ bilməlidir ki, milli təhlükəsizliyimizə zərrə qədər zərər vurmağa çalışsalar, dünyanın heç bir yerində özlərini təhlükəsiz hiss etməyəcəklər".
Əzizi deyib ki, ABŞ və ya İsraillə əməkdaşlıq edən istənilən dövlət İran tərəfindən döyüş meydanında hədəf kimi görünəcək.
