İrana hücum etmək üçün öz hava məkanını sionist rejimə açan istənilən ərəb ölkəsi qanuni hücum hədəfimiz olacaq.
"Operativ Məlumat Mərkəzi-OMM" xəbər verir ki, bu sözləri İran xarici işlər nazirinin əvəzi Məhəmməd Baqiri Qətərin xarici işlər naziri Məhəmməd bin Əbdül Rəhman Əl-Sani ilə telefon danışığında deyib.
Baqiri mesajın bölgədə yerləşən bütün ərəb ölkələrinə şamil edildiyini qeyd edib.
Xatırladaq ki, dünən səhər saatlarında HƏMAS rəhbərinin Tehrandakı iqamətgahının raket atəşinə tutulması nəticəsində İsmayıl Haniyə və onun 1 mühafizəçisi öldürülüb.
İsrail hücumun məsuliyyətini üzərinə götürməsə də, Tehran hökuməti buna görə Təl-Əvivin məsuliyyət daşıdığını deyir.
