HƏMAS lideri danışıqlar aparmaq üçün Qahirədədir

HƏMAS Siyasi Bürosunun rəhbəri İsmayıl Haniyə İsrailin Qəzza zolağına hücumlarında baş verən hadisələrlə bağlı ölkə rəsmiləri ilə görüşmək üçün Misirin paytaxtı Qahirəyə gedib.

"Operativ Məlumat Mərkəzi-OMM" xəbər verir ki, bu barədə HƏMAS-ın verdiyi yazılı açıqlamada qeyd olunub.

Görüşlərdə “İsrailin hücumlarının dayandırılması və Qəzza zolağında blokadanın dayandırılması” məsələlərinin müzakirə olunacağını bildirən fələstinli mənbə danışıqların Misir və Qətərin vasitəçiliyi ilə keçirildiyini bildirib.

Misir hakimiyyəti HƏMAS liderinin səfəri ilə bağlı hələlik açıqlama verməyib.