Gürcüstanın Baş naziri İrakli Kobaxidze erməni həmkarı Nikol Paşinyanla telefon danışığı zamanı regional təhlükəsizlik məsələlərini və Cənubi Qafqazda sülhün və sabitliyin vacibliyini müzakirə edib.
"Operativ Məlumat Mərkəzi-OMM" xəbər verir ki, bu barədə Gürcüstan hökumətinin mətbuat xidməti məlumat yayıb.
Söhbət zamanı tərəflər iki ölkə arasında strateji tərəfdaşlığın möhkəmləndirilməsi perspektivlərini və ticarət-iqtisadi, nəqliyyat, logistika, eləcə də mədəniyyət sahələrində mövcud əməkdaşlığı müzakirə ediblər.
Paşinyan Kobaxidzeni Gürcüstanın Baş naziri vəzifəsinə təyin olunması münasibətilə təbrik edib və onu Ermənistana dəvət edib.
Gürcüstan hökumətinin sədri yaxın vaxtlarda Ermənistana səfərini planlaşdırmaq üçün dəvəti qəbul edib.
