Filippin prezidenti: "ABŞ və Yaponiya ilə sammitdə Cənubi Çin dənizində əməkdaşlıq da yer alacaq"

ABŞ, Filippin və Yaponiya arasında keçiriləcək üçtərəfli sammit çərçivəsində Cənubi Çin dənizində əməkdaşlığın artırılması, təhlükəsizliyin və naviqasiya azadlığının qorunmasına dair razılaşma əldə olunacağı gözlənilir.

"Operativ Məlumat Mərkəzi-OMM" xəbər verir ki, bu barədə Filippin Prezidenti Ferdinand Marcos məlumat yayıb.

İlk dəfə keçirilən üçtərəfli sammitdə ABŞ, Yaponiya və Filippin liderləri Çinin artan regional təsirinə qarşı Hind-Sakit okean regionunda sülh və sabitlik naminə əməkdaşlıq etməyi hədəfləyirlər.