"Fələstində baş verənlərin məsuliyyəti İsrail və onun dəstəkçilərinin payına düşür" - Fələstin prezidenti

Fələstin prezidenti Mahmud Abbas Fransa prezidenti Makronla görüşündən sonra açıqlama verib.

"Operativ Məlumat Mərkəzi-OMM" xəbər verir ki, bu barədə Fələstin televiziyası məlumat verib.

Fələstində baş verənlərə görə məsuliyyətin İsrailin üzərinə düşdüyünü deyən Abbas, eyni məsuliyyətin İsraili təcavüzünü daha da dərinləşdirməyə təşviq edən dünya dövlətlərinin də paylaşdığını vurğulayıb.

"Biz dəfələrlə xəbərdarlıq etmişik ki, sülhdən uzaqlaşan, hərbi və təhlükəsizlik həllərinə üstünlük verən, iki dövlətli həlli baltalamağa çalışan İsrail işğalçı administrasiyasının dağıdıcı siyasət və tətbiqləri davam edəcək. Bu vəziyyət bölgədə, regional və ya dünyada dəyişəcək, müharibəyə səbəb ola bilər",-deyə Abbas qeyd edib.