Afət Ziyadqızı
Əfqanıstan öz sakinlərinə xaricdə döyüş əməliyyatlarında iştirak etməyi qadağan edib və yeni qanunu pozanlara görə cəzalar tətbiq edilib.
"Operativ Məlumat Mərkəzi-OMM" bu barədə "Al Arabiya" hökumət sənədinə istinadən xəbər verir.
Qadağanın dini xarakter daşıdığı qeyd edilir.
Əfqanıstan hakimiyyəti həmçinin ölkə ərazisindən digər dövlətlərə qarşı hərəkətlər üçün istifadəni qadağan edib. Sənəddə əhalinin ölkəni xarici təhlükələrdən qorumaq vəzifəsi vurğulanır.
Yüksək rütbəli Əfqanıstan rəsmisi bildirib ki, sənədin qəbulu ilə nəticələnən görüşdə Əfqanıstanın hər yerindən 1000-ə yaxın dini lider, eləcə də ölkənin baş naziri Həsən Axund iştirak edib.
