Əli Məmmədli
Partladılmış "Kaxovka" su elektrik stansiyasının yerində çox sürətlə yeni stansiya tikiləcək.
"Operativ Məlumat Mərkəzi - OMM" xarici KİV-ə istinadən xəbər verir ki, bunu "Ukrhidroenerqo"nun baş direktoru İqor Sirota bildirib.
SES-in tikintisi 1 milyard dollara başa gələcək və bir neçə il çəkə bilər.
Xatırladaq ki, bu gün səhər saatlarında artilleriya zərbəsi nəticəsində SES-in bəndi partladılıb və xeyli sayda yaşayış məntəqəsi su altında qalıb. Ukrayna tərəfi hücumun Rusiya tərəfindən edildiyini qeyd etsə də, Rusiya tərəfi iddianı qəti şəkildə rədd edir.
