Çilidə meşə yanğını evlərə yayılıb, ölənlər var

Çilinin Valparaiso bölgəsində baş verən meşə yanğını nəticəsində 2 nəfər ölüb, 20 ev kül olub.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Çilinin mərkəzindəki Valparaiso bölgəsində baş verən meşə yanğınları evlərə də keçib. Milli Fəlakətin Qarşısının Alınması və Cavab Xidməti (Senapred) qırmızı xəbərdarlıq edərkən, bəzi bölgələr boşaldılıb.

Qeyd edək ki, fevralın əvvəlində Valparaisoda baş verən meşə yanğınlarında 134 nəfər həyatını itirib, 8 mindən çox ev kül olub.