Ceyhun Bayramov: "Terror hücumunu törədənlər və onun sifarişçiləri ən sərt şəkildə cəzalandırılmalıdır"

Azərbaycan xarici işlər naziri Ceyhun Bayramov Tehrandakı səfirliyimizə olan silahlı hücumla bağlı "Twitter"də paylaşım edib.

"Operativ Məlumat Mərkəzi - OMM" xəbər verir ki, paylaşımda deyilir:

"Azərbaycan Respublikasının İrandakı Səfirliyinə xain terror hücumunu qətiyyətlə pisləyirik. Həlak olan zabitimizin ailəsinə və yaxınlarına başsağlığı veririk.

Terror hücumunu törədənlər və onun sifarişçiləri qısa müddət ərzində ən sərt şəkildə cəzalandırılmalıdır".