Böyük Britaniya Rusiyanın bütün yüksək rütbəli siyasətçilərinin, məmurlarının və menecerlərinin ölkəyə girişini qadağan etməyi planlaşdırır.
"Operativ Məlumat Mərkəzi-OMM" xəbər verir ki, bu barədə “The Times” qəzeti məlumat yayıb.
Məlumata görə, Daxili İşlər Nazirliyi sanksiya siyahısına bütün regional və federal nazirləri, habelə iri Rusiya şirkətlərinin direktorlarını və yüksək vəzifəli menecerlərini əlavə edəcək.
Məhdudlaşdırıcı tədbirlər federal və dövlət departament və agentliklərinin yüksək vəzifəli məmurlarına, enerji və maliyyə sektorunda şirkətlərin rəhbərlərinə, habelə Rusiya KİV-lərinin rəhbərliyinə də təsir edəcək.
