BMT rəsmisi: "Biz Qəzzadan çəkilmirik"

Birləşmiş Millətlər Təşkilatı humanitar yardımların paylanmasına maneələrin davam etdiyini açıqlasa da, bəzi xəbərlərdəki iddiaların əksinə olaraq Qəzzadan geri çəkilmədiklərini açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, BMT-nin mətbuat katibi Stefan Dujarrik gündəlik mətbuat konfransında jurnalistlərin suallarını cavablandırıb.

BMT-nin böyük risk altında yardım paylamağa çalışdığını ifadə edən Dujarrik, İsraildən istədikləri təkmilləşdirmələrlə bağlı hələlik irəliləyiş olmadığını bildirib.

Düjarrik, İsrailin BMT-nin tələblərini yerinə yetirmədiyi təqdirdə təşkilatın yardım paylanmasını dayandıracağı xəbərinə cavab olaraq, "Qəzzadan çəkilmirik",- deyə qeyd edib.