Ayşə Aslan
Amerikalı sahibkar Elon Muska məxsus beyin çipləri istehsal edən "Neuralink" öz məhsullarını sınaqdan keçirəcək.
"Operativ Məlumat Mərkəzi-OMM" xarici KİV-ə istinadən xəbər verir ki, implant şirkəti ilk sınaqlar üçün ABŞ Qida və Dərman İdarəsindən (QDİ) icazə alıb.
"Neuralink" çiplərinin iflic və ya görmə əngəlli insanlara kömək edəcəyi gözlənilir. Belə ki, mikroçiplərin kompyterlərlə əlaqələnərək insanların görmə qabiliyyətini və hərəkətliliyini bərpa edəcəyi iddia edilir.
Əvvəlcə meymunlar üzərində sınaqdan keçirilən yeni texnologiya beyindən gələn siqnalları şərh edərək "Bluetooth" vasitəsilə məlumatı cihaza ötürmək bacarığına sahibdir.
