Kanadanın Baş naziri Mark Karni NATO ölkələrinin alyansın hava məkanına girəcəyi təqdirdə Rusiya təyyarələrini vura biləcəyini təklif edib.
"Operativ Məlumat Mərkəzi-OMM" xəbər verir ki, bununla bağlı "Bloomberg" məlumat yayıb.
"Şübhəsiz ki, bütün variantlar nəzərdən keçirilir. Hazırda NATO çərçivəsində məsləhətləşmələr gedir. Biz, şübhəsiz ki, alyans ölkələrini qorumaq üçün lazım olan hər şeyi edəcəyik", - o deyib.
Bundan əvvəl NATO-nun baş katibi Mark Rutte bəyan etmişdi ki, alyans ölkələri Rusiya təyyarələrini vurmamalı, əksinə onları NATO hava məkanından çıxarmalıdır.
