Afət Ziyadqızı
ABŞ Donald Tramp dövründə tərk etdiyi YUNESKO-ya yenidən üzv olub.
"Operativ Məlumat Mərkəzi-OMM" xarici KİV-ə istinadən xəbər verir ki, Birləşmiş Millətlər Təşkilatının Mədəniyyət Agentliyi ABŞ-nin Trampın dövründə tərk etdiyi YUNESKO-ya qayıtdığını açıqlayıb.
YUNESKO-nun 2011-ci ildə Fələstini üzv dövlət olaraq qəbul etməsindən sonra ABŞ və İsrail maliyyələşdirməni dayandırdı. ABŞ-nin keçmiş prezidenti Donald Tramp , İsrail əleyhinə ön mühakimə və idarəetmə problemlərini əsas gətirərək, 2017-ci ildə ABŞ-ni qurumdan çıxardığını açıqlamışdı.
Qeyd edək ki, 2018-ci ildə ABŞ rəsmi olaraq YUNESKO-dan çıxmışdı.
