Afət Ziyadqızı
ABŞ-nin Oklahoma ştatında zəlzələ baş verib.
"Operativ Məlumat Mərkəzi-OMM" xəbər verir ki, bu barədə Avropa-Aralıq dənizi Seysmoloji Mərkəzinin (EMSC) rəsmi saytında məlumat verilib.
Zəlzələnin maqnitudası 5,1 olub.
Eyni zamanda təbii fəlakətin episentri Oklahoma Siti yaşayış massivindən 71 km şimal-şərqdə olub. Mərkəzin məlumatına görə, şəhərdə təxminən 681 min insan yaşayır.
Seysmoloqlar zəlzələnin ocağının 6 kilometr dərinlikdə olduğunu da əlavə ediblər. Hələlik itkilər və mümkün dağıntılar barədə məlumat daxil olmayıb.
