Karhranmanmaraş və Hatayda başlamış zəlzələdən sonra Hatay Arxeologiya Muzeyində eksponatların yenidən baş verə biləcək zəlzələdən qorunmağı məqsədi ilə əlavə tədbirlər görülüb.
"Operativ Məlumat Mərkəzi-OMM" "TRT Haber"-ə istinadən xəbər verir ki, zəlzələ bölgəsindəki muzeylərdə tarixi əsərlər qorunulur.
Bu barədə Türkiyənin Mədəni İrs və Muzeylərin baş direktoru Yəhya Coşqun sosial şəbəkəyə açıqlamasında qeyd edib.
"Hazırda davam edən və yarana biləcək yeni zəlzələlərə görə Hatay Arxeologiya Muzeyində olan heykəl, stela və bu kimi tarixi əsərlər üçün əlavə tədbirlər aldıq. Ümid edirəm ki, qısa zaman ərzində yenidən gün işığına qovuşarlar", - deyə direktor bildirib.
