Ukrayna Prezidenti Volodimir Zelenski Ukrayna və Avropa ölkələrinin sülh planının yenilənmiş versiyasını birgə formalaşdırdıqlarını açıqlayıb.
"Operativ Məlumat Mərkəzi-OMM" xəbər verir ki, dövlət başçısı Londonda Avropa liderləri ilə “yaxşı danışıqlar” apardığını bildirib.
Onun sözlərinə görə, Ukrayna və Avropa ölkələrinin milli təhlükəsizlik müşavirləri danışıqlardan sonra Londonda qalaraq Ukrayna Milli Təhlükəsizlik və Müdafiə Şurasının katibi Rüstəm Umerov tərəfindən təqdim olunan planın son variantı üzərində işləyirlər.
Zelenski planın 9 dekabr axşamına qədər tamamlanacağını deyib. O, sənədin yenidən nəzərdən keçirilərək ABŞ-yə göndəriləcəyini əlavə edib.
“Düşünürəm ki, plan sabah, axşam saatlarında hazır olacaq. Biz ona yenidən baxıb ABŞ-yə göndərəcəyik”, – Zelenski jurnalistlərə bildirib.
