Yaponiya hökuməti ABŞ-la sıx əməkdaşlıq edərək nüvə silahı olmayan dünyaya nail olmaq üçün öz səylərini gücləndirir.
"Operativ Məlumat Mərkəzi-OMM" xəbər verir ki, bunu Yaponiya Nazirlər Kabinetinin baş katibi Yoşimasa Hayaşi Donald Trampın Rusiya, ABŞ və Çinin nüvə arsenallarının ixtisarının mümkünlüyü barədə sözlərini şərh edərkən deyib.
"Biz prezident Trampın bu mövzuda bəyanatlarından xəbərdarıq. Biz həmişə ABŞ, Rusiya və Çin də daxil olmaqla dövlətlərin silahlara nəzarət və tərksilahla bağlı təşəbbüslərini vacib hesab etmişik", - o qeyd edib.
Hayaşi vurğulayıb ki, Yaponiya öz növbəsində ABŞ ilə sıx əməkdaşlıq şəraitində nüvə silahı olmayan dünyaya nail olmaq üçün öz real təşəbbüslərini gücləndirəcək.
