Gəndob-Yalama avtomobil yolunun Xaçmaz rayonu ərazisindən keçən hissəsində "BMW" markalı avtomobil yoldan çıxaraq Ağçay çayına düşüb.
"Operativ Məlumat Mərkəzi-OMM"-in məlumatına görə, hadisə nəticəsində 3 nəfər həyatını itirib.
Sürücü 33 yaşlı Vüsal Bayramov və sərnişini 41 yaşlı Samir Mənsumov hadisə yerində ölüblər.
Sərnişin Anar Məmmədovun meyiti isə qəzaya uğrayan avtomobildən kənarda aşkarlanıb.
Faktla bağlı araşdırma aparılır.
