"WhatsApp" istifadəçilər üçün daha bir yenilik təqdim edəcək.
"Operativ Məlumat Mərkəzi-OMM" xarici KİV-ə istinadən xəbər verir ki, platforma 32 nəfərə qədər qrup üzvünün qoşula biləcəyi "voice chat" funksiyasını aktivləşdirəcək.
Qeyd olunub ki, əsas üstünlük ondan ibarətdir ki, "voice chat" olduqda zəng zamanı olduğu kimi bildiriş getməyəcək. Sadəcə interfeysdə çatın yanında "voice chat"ı təmsil edən işarə görünəcək.
Qrupdakı hər kəs istədiyi vaxt bu səsli söhbətə qoşula bilər. Amma səsli söhbət yaradıldığı halda 60 dəqiqə ərzində qoşulan olmasa, çat bağlanır.
Funksiya hazırda test mərhələsindədir.
