"WhatsApp" qruplar üçün iştirakçıları təsdiqləmək funksiyası üzərində işləyir.
"Operativ Məlumat Mərkəzi-OMM" xəbər verir ki, "WhatsApp"a gələn yeni funksiya ilə adminlər qruplara yeni üzv gələndə onu təsdiq edəcəklər. Bununla da yalnız admin tərəfindən təsdiqlənmiş üzvlər qrupa qoşula biləcək.
Qrup iştirakçı limitinin 1024 olması bəzən arzuolunmaz şəxslərin də qrupa qoşulmasına səbəb ola bilər. Bu xüsusiyyət sayəsində bu problemin qarşısı alınacaq.
Hələ təsdiqlənməmiş yeni qrup üzvləri "WhatsApp" qrupunun məlumat bölməsində gözlənilən iştirakçılar kimi görünəcəklər. Bu yolla qrup administratorları qoşulmaq istəyən şəxsləri bir-bir nəzərdən keçirib təsdiq edə biləcəklər.
Hazırda bəzi istifadəçilərlə sınaqdan keçirilən yeni funksiya tədricən hər kəsin istifadəsinə veriləcək.
