Amerika Birləşmiş Ştatları Ukraynanı təcili “Patriot” havadan müdafiə sistemləri və artilleriya sursatı ilə təmin edəcək.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Amerikanın müdafiə nazirliyi Lloyd Ostin açıqlama verib.
O, tədbirin Ukrayna üçün nəzərdə tutulan əlavə 6 milyard dollarlıq hərbi yardım paketi çərçivəsində icra olunacağını deyib.
Paketə, eyni zamanda, dron əleyhinə silahlar daxildir.
“Əgər Putin Ukraynada qalarsa, Avropa indiyə qədər onun üçün misli görülməmiş təhlükəsizlik təhdidi ilə üz-üzə qalacaq. Rusiya Ukrayna ilə kifayətlənməyəcək”, - deyə Ostin vurğulayıb.
