Afət Ziyadqızı
Polşa Prezidenti Karol Navroçki Ukraynada Polşa hərbi kontingentinin yerləşdirilməsi məsələsinə münasibət bildirib.
"Operativ Məlumat Mərkəzi-OMM" xəbər verir ki, o, ''RIA Novosti'' agentliyinə açıqlamasında Polşa əsgərlərinin Ukraynaya göndərilməsinə razılıq verməyəcəyini bəyan edib.
“Polşa ordusunun Ukraynada iştirakı mənim nöqteyi-nəzərimdən istisnadır. Ukraynada Polşa qoşunlarına ehtiyac yoxdur və onlar ora getməyəcəklər”, – deyə Navroçki vurğulayıb.
Prezident bu fikirləri jurnalistlərə açıqlamasında səsləndirib. Onun sözlərinə görə, Polşa Ukraynaya siyasi və humanitar dəstəyini davam etdirəcək, lakin hərbi iştirak məsələsinə qəti şəkildə qarşıdır.
Qeyd edək ki, Ukraynadakı müharibə fonunda bəzi Qərb ölkələrinin mümkün müdaxilə ehtimalları zaman-zaman müzakirə olunur. Lakin Polşa rəhbərliyinin bu mövqeyi, ölkənin hərbi iştirakdan uzaq duracağını göstərir.
