Türkiyənin günəbaxan yağı ixracı ilin ilk 11 ayında 16,8 faiz artaraq 959 milyon dollara yüksəlib.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Bildirilib ki, ilin sonunda 1 milyard dolların aşılması hədəflənir.
Cənub-Şərqi Anadolu İxracatçı Birliklərinin məlumatlarına əsasən, 2024-cü ilin ilk 11 ayında 821 milyon 136 min dollarlıq günəbaxan yağı ixrac edən Türkiyə, bu ilin eyni dövründə 16,8 faizlik artım ilə 958 milyon 960 min dollarlıq xarici satış həyata keçirdi.
Türkiyənin günəbaxan yağı ixracının 543 milyon 927 min dollara uyğun gələn 56,7 faizini Cənub-Şərqi Anadolu İxracatçı Birliklərinin üzvləri reallaşdırıb.
