Bərpa olunan enerji texnologiyalarında irəliləyən Türkiyə hidrogen enerjisi və nüvə reaktorları üçün müxtəlif proqramlara start verəcək.
"Operativ Məlumat Mərkəzi-OMM" xəbər verir ki, bununla bağlı Türkiyə KİV məlumat yayıb.
Türkiyə alternativ enerji mənbələri, xüsusilə də bərpa olunanlar üçün istehsal və texnologiya inkişaf imkanlarını gücləndirir.
Bu çərçivədə təbiətdə ən bol element olan hidrogen və nüvə enerjisi, günəş, külək və hidravlikadan faydalanmaq üçün layihələr hazırlanır.
Prosesin sürətləndirilməsi məqsədilə “Milli Hidrogen Proqramı”nın həyata keçirilməsi nəzərdə tutulur.
Proqramla hidrogenin istehsalı, saxlanması, daşınması və sənayedə istifadəsi kompleks şəkildə həyata keçiriləcək.
