ABŞ-ın yeni seçilmiş prezidenti Donald Tramp Şimali Dakota ştatının qubernatoru Duqlas Berqumun daxili işlər naziri vəzifəsinə namizədliyini irəli sürəcəyini açıqlayıb.
"Operativ Məlumat Mərkəzi-OMM" xəbər verir ki, o bu barədə rəsmi ziyafət zamanı məlumat verib.
"O, Daxili İşlər Nazirliyinə rəhbərlik edəcək", - deyə Tramp bildirib.
ABŞ-da Daxili İşlər Departamenti təhlükəsizlik qüvvəsi deyil, o, əsasən federal torpaqların istifadəsi və təbii ehtiyatların çıxarılması ilə məşğul olur. Onun idarəsi minə yaxın milli qoruq və parkı idarə edir.
Hazırda ABŞ Daxili İşlər Nazirliyinə Deb Haaland rəhbərlik edir.
Berqum 2016-cı ildə Şimali Dakota qubernatoru olub. 2023-cü ilin yayında o, Respublikaçılar Partiyasından ABŞ prezidentliyinə namizəd olmaq niyyətini açıqlasa da, 2023-cü ilin dekabrında seçki yarışından imtina edib.
