"ABŞ prezidenti Donald Tramp Avropanın müttəfiqi deyil və olmayacaq".
"Operativ Məlumat Mərkəzi-OMM" xəbər verir ki, bu barədə Avropa diplomatiyasının keçmiş rəhbəri Xosep Borrell deyib.
"İndiyə qədər aydın olmalıdır ki, Tramp Avropanın müttəfiqi deyil və heç vaxt da olmayacaq. Onun Amerikası Avropa üçün böyük geosiyasi, iqtisadi və mədəni sarsıntıdır", - o qeyd edib.
Keçmiş rəsminin fikrincə, Avropa İttifaqının zəifliyini və parçalanmasını nəzərə alsaq, hazırda onun ABŞ-nin protektoratına çevrilməsi riski realdır və Aİ-nin beynəlxalq arenadakı rolu artıq xeyli zərər görüb.
Bundan əvvəl ABŞ prezidenti Donald Tramp bildirib ki, bir sıra Avropa liderləri Ukraynadakı münaqişənin sülh yolu ilə həllini müzakirə etmək üçün sentyabrın 8-i bazar ertəsi və 9 sentyabr çərşənbə axşamı ABŞ-a gələcəklər.
