Amerikalı milyarder İlon Maska məxsus "SpaceX" şirkətinə məxsus “Starship” raketinin 8-ci sınaq uçuşu geri sayım zamanı ləğv edilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
"Starship" raketinin 8-ci sınaq uçuşu "SpaceX" şirkətinin saytında canlı yayımlanıb.
ABŞ-nin Texas ştatındakı "Starbase" obyektindən havaya qalxması planlaşdırılan “Starship” raketinin 8-ci sınaq uçuşu hələ açıqlanmayan problemlər səbəbindən buraxılışa 40 saniyə qalmış ləğv edilib.
Növbəti sınaq uçuşu üçün dəqiq bir tarix verilməsə də, Musk "X" sosial media hesabında verdiyi açıqlamada bir-iki günə yenidən sınaqdan keçirilə biləcəyini bildirib.
Şirkətin internet saytında verilən açıqlamada "Starship" komandasının növbəti sınaq uçuşuna hazırlaşdığı qeyd edilib.
