İtaliyanın Siciliya adasının şərq sahilində yerləşən Etna vulkanında növbəti püskürmə baş verib.
"Operativ Məlumat Mərkəzi-OMM" xəbər verir ki, bu barədə yerli “La Stampa” qəzeti məlumat yayıb.
Jurnalistlərin sözlərinə görə, Voragin kraterindən lava püskürərək nəhəng kül buludu əmələ gətirib. Onun hündürlüyü dəniz səviyyəsindən 10 km yüksəkliyə çatıb.
Təbii fəlakətlə əlaqədar Kataniya Beynəlxalq Hava Limanının iş qrafikində dəyişikliklər edilib. Hava limanının rəhbərliyi bəzi sərnişin reyslərini təxirə salmalı, ləğv etməli və ya digər hava limanlarına yönləndirməli olub.
