Rusiyanın "Sistemma" şirkəti süni intellekt robotu ChatGPT ilə rəqabət aparacaq tətbiqini açıqlayıb.
"Operativ Məlumat Mərkəzi-OMM" xarici mediaya istinadən xəbər verir ki, Moskvada yerləşən şirkət rəsmi saytında “SistemmaGPT” adlı layihəsini işə salıb.
Şirkətin öz inkişafları və Stanford Universitetinin araşdırmaları ilə xidmət edən süni intellekt tətbiqinin tamamilə daxili serverlərdə və rus dilində işlədiyi paylaşılıb.
"Sistemma" iddia edir ki, onun süni intellekti yüksək keyfiyyətli mətnlər yaza bilir və "ensiklopedik biliyə" malikdir.
Qeyd edək ki, hazırda beta mərhələsində olan tətbiqin ictimai testləri iyun ayında keçiriləcək.
