Afət Ziyadqızı
Rusiya Xarici İşlər Nazirliyinin rəsmisi Mariya Zaxarova Ermənistanın baş naziri Nikol Paşinyana Qarabağda müharibə zamanı ölkəyə “imitasiya yardımı” etdiyi iddia edilən ölkələrin adlarını verməyi təklif edib.
"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.
“Onları səsləndirmək olduqca məntiqli olardı. Madam ki, söhbət belə ciddi bəyanatlardan gedir. Amma gəlin bu işi rəsmi İrəvanın öhdəsinə buraxaq”, -deyə diplomat bildirib.
Zaxarovanın sözlərinə görə, Moskva Ermənistanın “unudulmuş və tərk edilmiş hiss etməməsi” üçün əlindən gələni edib.
O xatırladıb ki, Rusiya Qarabağ münaqişəsinin ilk günlərindən atəşkəs üçün ən fəal siyasi və diplomatik səyləri göstərib.
