Rusiya və Ukrayna silahlı qüvvələri gecə saatlarında pilotsuz uçuş aparatlarından istifadə etməklə bir-birinə qarşılıqlı zərbələr endiriblər.
"Operativ Məlumat Mərkəzi-OMM" xarici KİV-ə istinadən xəbər verir ki, hər iki tərəfdən yaralananlar var.
Rusiya Müdafiə Nazirliyi Rusiyanın hava hücumundan müdafiə sistemlərinin Kursk vilayəti üzərində 93 Ukrayna pilotsuz uçan aparatını ələ keçirdiyini bildirib.
Daha dörd pilotsuz təyyarə Rostov vilayəti, ikisi isə Belqorod vilayəti üzərində səmada vurulub.
Tələfat və dağıntılar barədə məlumat yoxdur.
Bundan əvvəl Rostov vilayətinin hakimiyyət orqanları Taqanroq şəhərinin də pilotsuz təyyarələrin hücumuna məruz qaldığını bildirmişdilər. İki çoxmərtəbəli yaşayış binasına ziyan dəyib. İlkin məlumata görə, 2 nəfər xəsarət alıb, ölən yoxdur.
Ukraynanın Fövqəladə Hallar üzrə Dövlət Xidməti gecə saatlarında Xarkovun Rusiya pilotsuz təyyarələrinin kütləvi zərbələrinə məruz qaldığını bildirib. İki mülki obyektə ziyan dəyib, yanğınlar başlayıb. 3-ü uşaq olmaqla 8 nəfər xəsarət alıb. Yaxınlıqdakı yaşayış binalarına da ziyan dəyib.
