Rusiya Silahlı Qüvvələri sutka ərzində Ukraynanın müdafiə-sənaye kompleksinə xidmət edən bir enerji obyektini vurub.
"Operativ Məlumat Mərkəzi-OMM" xəbər verir ki, bununla bağlı Rusiya MN məlumat yayıb.
"Rusiya Silahlı Qüvvələrinin qoşun qrupları tərəfindən operativ-taktiki aviasiya, zərbə tipli pilotsuz uçuş aparatları, raket qoşunları və artilleriya vasitəsilə Ukraynanın müdafiə-sənaye kompleksinin fəaliyyətini təmin edən enerji obyektinə, hava hücumundan müdafiə sistemlərinin radiolokasiya stansiyalarına, pilotsuz katerlərin yığım sexinə, idarəetmə məntəqələrinə və uzaqmənzilli pilotsuz uçuş aparatlarının buraxılış yerlərinə, həmçinin Ukrayna silahlı birləşmələrinin və xarici muzdlu döyüşçülərin müvəqqəti yerləşdiyi 136 məntəqəyə zərbələr endirilib", – deyə məlumatda qeyd olunub.
